Испания терма жамоаси бош мураббийи Луис де ла Фуэнте лавозимидан четлатилиши мумкин, деб хабар бермоқда Cadena Ser нашри.

Манбанинг ёзишича, мураббийнинг терма жамоадаги келажаги келаси ой ўрталарида бўлиб ўтадиган Миллатлар лигасидаги ўйинига боғлиқ. Мамлакат футбол федерацияси ва "қизил фурия" футболчилари мутахассисдан норози экани айтилмоқда.

Эслатиб ўтамиз, де ла Фуэнте шу йилнинг январь ойида Испания терма жамоаси бошқарувини қабул қилганди. Мутахассис раҳбарлигида терма жамоа бешта жанг ўтказиб, тўртта ғалабани тантана қилган ва битта мағлубият аламини тотиб кўрган.