Лиссабоннинг "Спортинг" клуби ярим ҳимоячиси Мануэль Угарте Франциянинг "ПСЖ" клубидан кўра, Лондоннинг "Челси" клубига ўтишни афзал кўрмоқда.
Record Portugal нашри хабарига кўра, футболчи АПЛда ўйнашни истамоқда.
"ПСЖ" сингари "Челси" ҳам ярим ҳимоячи учун 60 миллион евро товон пули тўлашга тайёр. Угарте АПЛга ўтишни афзал кўрса-да, унинг трансферида таклиф қилинган маош ҳам катта роль ўйнайди.
Эслатиб ўтамиз, Угартага аввалроқ "Ливерпуль" ва "Астон Вилла" клублари ҳам қизиқиш билдирдирганди. Уругвайлик футболчи ҳозир трансфер бозорида мавжуд бўлган энг иқтидорли ёш ярим ҳимоячилардан бири ҳисобланади.
