"Ньюкасл" бош мураббийи Эдди Хау жамоанинг асосий қисмини сақлаб қолмоқчи. Англиялик мутахассис Чемпионлар лигасига йўл олгани сабабли таркибда катта ўзгаришларни режалаштирмаяпти.
"Чемпионлар лигасига йўлланма олганимиз учун жамоани қайта қуришдан маъно кўрмаяпман. Мен ҳозир рўйхатдаги футболчиларнинг 95 фоизини сақлаб қолмоқчиман. Мен Мэтт Ричи, Мартин Дубравка ва Пол Даммет каби футболчилар қолишини истайман" - деди Хау матбуот анжуманида.
Эслатиб ўтамиз, "Ньюкасл" Чемпионлар лигаси йўлланмасини кафолатлаганди. Агар сўнгги ўйинда "Манчестер Юнайтед" мағлуб бўлса ва "Ньюкасл" ғалаба қозонса, Эдди Хау жамоаси мавсумни лигада учинчи ўринда якунлайди.
