Англиянинг «Манчестер Юнайтед» клуби яримҳимоячиси Андерсон жамоа бош мураббийи Алекс Фергюсон нафақага чиқадиган бўлса, жамоа анча катта йўқотишга учрашини таъкидлаб ўтди.
«Манчестер Юнайтед» — бу сэр Алекс Фергюсон. Агар у жамоадан кетса, клуб 30-40 фоиз кучини йўқотади. Кшп нарса «босс»га боғлиқ», дея тан олади Андерсон Португалиянинг «Grande Area» телеканалига берган интервьюсида.
«Барча футболчилар учун у отадек бўлиб қолган. Сэр Алекс — ҳурматга лойиқ инсон. Агар у нафақага чиқадиган бўлса, бутун дунё футболи учун сезиларли йўқотиш бўлади. Босс доим менга кўмак беради. Мени ўзига жуда яқин олади. У футбол билан яшайди ва ҳар доим футболчиларнинг иши оиласи билан қизиқиб туради», дейди Андерсон.