"Ювентус" ярим ҳимоячиси Адриен Рабьо "Бавария"га ўтиши мумкинлиги ҳақида гапирила бошлади, дея хабар беради журналист Кристиан Фальк.
Манбага кўра, "Бавария" Рабьони текинга ўз сафига қўшиб олмоқчи. Футболчининг онаси, айни пайтда футболчининг агенти бўлиб, “Бавария”дан йилига 10 миллион евро маош талаб қилмоқда.
Қайд этилишича, “Бавария” бош мураббийи Томас Тухель ўзи аввал “ПСЖ”да бирга ишлаган футболчининг трансферига қарши эмас.
28 ёшли Рабьонинг "Ювентус" билан амалдаги шартномаси 2023 йилнинг ёзига қадар мўлжалланган.
Жорий мавсумда у туринликлар сафида 46 та ўйин ўтказиб, 11 та гол урди ва 6 та голли узатмани амалга оширди.