"ПСЖ" ҳужумчиси Лионель Месси Парижда собиқ жамоадошлари Серхио Бускетс ва Жорди Альба билан учрашди, деб хабар беради Mundo Deportivo.

Нашрнинг ёзишича, учрашув ўтган ҳафтада бўлиб ўтган, ўшанда “Барселона” бош мураббийи Хави лига чемпионлигини қўлга киритгач, каталонияликларга бир кунлик дам берган эди.

Суҳбат чоғида испаниялик футболчилар Месси билан "Барселона"га ўтиши мумкинлиги ҳақида гаплашишган. Аргентиналик футболчи футболчиларга Каталония клубидан таклиф олмаганини айтди.

Аввалроқ, "ПСЖ" футболчини ўзида сақлаб қолмоқчи ва унга 100 миллион евро маош билан янги шартнома таклиф қилишга тайёрлиги ҳақида хабар берилганди. Мессининг парижликлар билан амалдаги шартномаси жорий мавсум охиригача ҳисобланган.

35 ёшли аргентиналик футболчи жорий мавсумда клуб сафида барча турнирлар доирасида 39 та ўйинда майдонга тушиб, 20 та гол урди ва 20 та голли узатмани амалга оширди.