"Челси" дарвозабони Эдуар Менди келаси ёзда Лондон клубини тарк этиши мумкин, дея хабар беради 90min.
Манбага кўра, "Челси" раҳбарияти жамоанинг сўзсиз биринчи рақамига айлана оладиган янги юқори савияли дарвозабон билан шартнома имзоламоқчи, аммо бунинг учун ҳозирги икки дарвозабондан бири - Кепа Аррисабалагага ёки Эдуар Менди билан хайрлашиш зарур. Ҳар икки футболчининг шартномаси 2025 йилда тугайди, шу боис клуб дарвозабонлардан бири билан хайрлашиб яхшигина пул ишлаб олишни режалаштирмоқда. Тахминларга кўра, Кепанинг юқори маоши унинг бошқа клубга ўтишига жиддий тўсиқ бўлмоқда, шу боис Менди келаси ёзда сотиш учун асосий мақсад бўлиб қолади. "Челси" Мендининг Лондон жамоасининг Чемпионлар Лигасидаги ғалабали мавсумидаги ўйини унга Европанинг топ клублари томонидан қизиқиш уйғотади, деб ҳисоблайди.
Менди "Челси"да 2020 йилдан буён тўп суради. 31 ёшли сенегаллик дарвозабон жорий мавсумда барча турнирларда 12 та ўйинда майдонга тушди.
