"Реал" Чемпионлар лигаси финалида навбатдаги ўйинини ўтказишга бир қадам қолганда тўхтади. Бу сафар “қаймоқранглилар” Гвардиоланинг даҳшатли “Ман Сити”сидан нокаутга учради.
Жамоаларнинг жавоб ўйини мадридликларнинг 0:4 ҳисобидаги мағлубияти билан якунланди, аммо Куртуа муносиб ўйин кўрсатмаганида, Қироллик клуби бундан ҳам кўпроқ гол ўтказиб юбориши мумкин эди. Тибо ўша учрашувда "Реал Мадрид"нинг энг яхши ўйинчиларидан бирига айланди ва Маrcа журнали унинг ўйинини 10 баллга баҳолади.
Чемпионлар лигаси финалида Куртуанинг Бельгия терма жамоасидаги шериклари ўзаро тўқнаш келишади. Лукаку "Интер" сафида, Де Брюйне эса "Манчестер Сити"да кубок учун курашади.
Тибо Prime Video Sport журналистларига Европанинг асосий клуб турнири финалида қайси ҳамюртига мухлислик қилиши айтди:
"Умид қиламанки, Лукаку Чемпионлар лигасида ғолиб чиқади. Албатта, унинг Кевинга қарши чиқиши қийин бўлишини тушунаман, лекин мен Ромелуни бироз кўпроқ биламан. Уни жуда ҳурмат қиламан”.
Балки Куртуа Лукакуни Де Брюйнедан кўра кўпроқ билгандир, аммо Тибо ва Кевин ўртасидаги муносабатлар тарихи ҳаммага маълум. Мухлислар ҳали ҳам уларнинг қиз туфайли душманга айланишганини кўп эслаб юришади.
Ўша шов-шувли воқеа ўтмишда қолди, энди футболчилар ўртасидаги муносабатлар нормаллашганга ўхшайди. Чемпионлар лигаси ярим финалида "Реал Мадрид" ва "Сити" ўртасидаги биринчи ўйиндан сўнг трансляция оператори Тибо ва Кевинни қучоқлашган ҳолда тасвирга олгани ҳам буни тасдиқлаши мумкин.
Чемпионлар лигаси финали 10 июн куни Истанбулда бўлиб ўтади. "Интер" 2009/10 йилги мавсумдан буён Европанинг асосий клублар мусобақасидаги илк ғалабасини қўлга киритишга ҳаракат қилади. Ўшанда миланликлар "Сантьяго Бернабеу"да "Бавария"ни 2:0 ҳисобида мағлуб этишган эди.
Аммо "Сити" тарихда ҳеч қачон "қулоқли" кубокни Манчестерга олиб келмаган. 2021 йилда Гвардиола шогирдлари ниҳоят Чемпионлар лигаси финалига йўл олишди, аммо “Челси”га мағлуб бўлишди. Жорий мавсумда "шаҳарликлар" аллақачон мамлакат чемпионига айланишди, Гвардиола жамоаси треблни қўлга киритиши мумкин.
Чемпионлар лигаси финалида сиз қайси жамоага мухлислик қиласиз?
