Калининградда давом этаётган ампутантлар ўртасида Жаҳон чемпионатида бугун гуруҳ босқичининг сўнгги тур ўйинлари бўлиб ўтди. "А" ва "В" гуруҳларида Россия ва Ўзбекистон терма жамоалари ярим финал йўлланмаларини ҳал қилиб бўлишди.
Бугунги баҳслар эса ярим финалга йўлланмани қўлга киритадиган яна 2та ярим финалчининг номини аниқлаб беради. Демак, сўнгги тур натижалари Россия ва Ўзбекистоннинг ярим финалдаги рақибларини аниқлаб беради.
Умархўжаев шогирдларига "А" гуруҳида 2-ўринни олган жамоа рақиблик қилади. Бу гуруҳда 2-ўринни олиш учун бирданига 3та жамоа даъвогарлик қилмоқда.
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Россия | 4 | 4 | 0 | 0 | 14-2 | 12 |
| 2 | Гана | 4 | 2 | 1 | 1 | 8-5 | 7 |
| 3 | Сальвадор | 4 | 1 | 2 | 1 | 9-9 | 5 |
| 4 | Аргентина | 4 | 1 | 2 | 1 | 7-11 | 5 |
| 5 | Эрон | 4 | 0 | 3 | 1 | 4-6 | 3 |
| 6 | Польша | 4 | 0 | 0 | 4 | 5-14 | 0 |
Ҳозирча 7 очко тўплаб турган Гана бугун Аргентина билан баҳс олиб боради. Ушбу ўйиндаги дуранг ҳам африкаликларни ярим финалга олиб чиқади. Боиси, Аргантинада 5 очко мавжуд, Сальвадор билан ўзаро ўйинда Гана ғалаба қозонган. Боз устига, сальвадорликлар бугун Россияга қарши тўп суришади. Шунинг учун ярим финалдаги рақибимиз Гана-Аргентина учрашувида ҳал бўлиш эҳтимоли юқори.
| № | Жамоа | Ўйин | Ғалаба | Дуранг | Мағлубият | Т-Н | Очко |
|---|---|---|---|---|---|---|---|
| 1 | Ўзбекистон | 4 | 4 | 0 | 0 | 25-5 | 12 |
| 2 | Туркия | 4 | 3 | 0 | 1 | 19-8 | 9 |
| 3 | Англия | 4 | 2 | 1 | 1 | 14-5 | 7 |
| 4 | Украина | 4 | 2 | 1 | 1 | 8-5 | 7 |
| 5 | Либерия | 4 | 0 | 0 | 4 | 3-19 | 0 |
| 6 | Япония | 4 | 0 | 0 | 4 | 1-28 | 0 |
Ўзбекистон терма жамоаси иштирок этаётган "В" гуруҳида ҳам 2-ўрин учун 3та жамоа даъвогарлик қилишмоқда. Туркия 9 очкога эгалик қилаётган бўлса, Англия ва Украина ҳисобида 7 очкодан мавжуд. Бугун Туркия Англия билан майдонга чиқса, Ўзбекистон эса Украинага қарши тўп суради. Ярим финал масаласи кўпроқ Туркиянинг қўлида. Дуранг натижа ҳам туркларни плей-оффга олиб чиқади (Украина Ўзбекистонни мағлуб этса ҳам, Туркия дуранг ўйнаса, регламентга кўра, турклардан орқада бўлади).
