"Боруссия Дортмунд" Бундеслиганинг сўнгги турида "Майнц" билан дуранг ўйнади - 2:2.

"Майнц" биринчи бўлимнинг 24 дақиқасидаёқ дортмундликлар дарвозасига 2 та тўп киритиб бўлганди - Андреас Ханче-Ольсен ва Карим Онасиво гол муаллифи бўлди. "Боруссия" ҳужумчиси Себастьян Аллер 19-дақиқада пенальтидан фойдалана олмади.

69-дақиқада "асаларилар" орадаги фарқни биттага қисқартиришди - гол муаллифи Рафаэль Геррейру. 94-дақиқада эса Аллернинг голи офсайд туфайли бекор қилинди, аммо 96-дақиқа барибир Зюле натижани тенглаштирди - 2:2.

Ғалаба Эдин Терзич жамоасига чемпионликни нақд қилиши мумкин эди, аммо дуранг сабаб "Боруссия" олтин медаллардан қуруқ қолди. Титул "Кёльн" устидан 2:1 ҳисобида зафар қучган "Бавария"га насиб этди.

Боруссия Д – Майнц 2:2
27 май, 18.30, «Сигнал Идуна Парк»
Голлар: 0:1 – 15 Ханче-Ольсен, 0:2 – 24 Онисиво, 1:2 – 69 Геррейру, 2:2 – 90 Зюле.
Боруссия Д – Кобель, Хуммельс, Зюле, Рюэрсон (Модест, 80), Геррейру, Джан, Брандт (Дюранвиль, 62), Вольф (Мукоко, 46), Мален (Рейна, 63), Аллер, Адейеми (Ройс, 40).
Майнц – Дамен, Каси, Белль, Ханче-Ольсен, Фернандеш, Аарон Мартин, Кор, Ли Чжэ Сон (Ингвартсен, 66), Баррейро, Штах (Баркок, 80), Онисиво (Мустафа, 90).
Огоҳлантиришлар: Геррейру (40), Фернандеш (71).