"Borussiya Dortmund" Bundesliganing so‘nggi turida "Mayns" bilan durang o‘ynadi - 2:2.
"Mayns" birinchi bo‘limning 24 daqiqasidayoq dortmundliklar darvozasiga 2 ta to‘p kiritib bo‘lgandi - Andreas Xanche-Olsen va Karim Onasivo gol muallifi bo‘ldi. "Borussiya" hujumchisi Sebastyan Aller 19-daqiqada penaltidan foydalana olmadi.
69-daqiqada "asalarilar" oradagi farqni bittaga qisqartirishdi - gol muallifi Rafael Gerreyru. 94-daqiqada esa Allerning goli ofsayd tufayli bekor qilindi, ammo 96-daqiqa baribir Zyule natijani tenglashtirdi - 2:2.
G‘alaba Edin Terzich jamoasiga chempionlikni naqd qilishi mumkin edi, ammo durang sabab "Borussiya" oltin medallardan quruq qoldi. Titul "Kyoln" ustidan 2:1 hisobida zafar quchgan "Bavariya"ga nasib etdi.
Borussiya D – Mayns 2:2
27 may, 18.30, «Signal Iduna Park»
Gollar: 0:1 – 15 Xanche-Olsen, 0:2 – 24 Onisivo, 1:2 – 69 Gerreyru, 2:2 – 90 Zyule.
Borussiya D – Kobel, Xummels, Zyule, Ryuerson (Modest, 80), Gerreyru, Djan, Brandt (Dyuranvil, 62), Volf (Mukoko, 46), Malen (Reyna, 63), Aller, Adeyemi (Roys, 40).
Mayns – Damen, Kasi, Bell, Xanche-Olsen, Fernandesh, Aaron Martin, Kor, Li Chje Son (Ingvartsen, 66), Barreyro, Shtax (Barkok, 80), Onisivo (Mustafa, 90).
Ogohlantirishlar: Gerreyru (40), Fernandesh (71).
