"Бавария"нинг янги раҳбарияти ярим ҳимоячи Жошуа Киммихни "Барселона"га сотмоқчи эмас. Бу ҳақда журналист Фабрицио Романо твиттерда хабар берди.
Мюнхенликларнинг собиқ раҳбарлари 28 ёшли Киммихни "дахлсиз" футболчи деб билишган ва уни келажакдаги лойиҳада асосий ўйинчи сифатида кўришган. Худди шу фикрни "Бавария"нинг янги раҳбарияти ҳам сақлаб қолади.
2015 йилдан буён “Бавария”да ўйнаб келаётган 28 ёшли Киммих жамоани тарк этиши ва янги чақирув излаши аввалроқ хабар қилинганди. Ўтган мавсумда у 47 та ўйинда майдонга тушиб, 7 та гол урди ва 11 та голга ассистентлик қилди.
