Мадриднинг “Реал” клуби ҳужумчиси Винисиус Жуниор ёзги трансфер ойнасида “Челси”га ўтиши мумкин, деб хабар беради El Nacional.
Манба берган хабарга кўра, Лондон жамоаси раҳбарияти футболчи билан шартнома имзолаш имкониятини кўриб чиқмоқда ва у учун 150 миллион евро тўлашга тайёр.
Агар трансфер амалга ошса, бу "Реал Мадрид" тарихидаги энг йирик савдо бўлади. Аввалроқ, мадридликлар футболчиларни сотишдан олган энг катта даромади 2018 йилда Криштиану Роналдунинг 100 миллион евро эвазига “Ювентус”га ўтгани бўлганди.
Шунингдек, нашрнинг фикрича, у Ла Лигада дуч келадиган ирқчилик бразилияликнинг Премьер-лигага ўтишида муҳим плюс бўлиши мумкин. Англия чемпионатида бу муаммо билан боғлиқ вазият яхши.
22 ёшли бразилиялик футболчи 2018 йилдан буён "Реал"да ўйнаб келмоқда.
Жорий мавсумда у Мадрид клуби сафида 54 та ўйин ўтказиб, 23 та гол урди ва 21 та голли узатмани амалга оширди. Transfermarkt порталига кўра футболчининг нархи 120 миллион еврога баҳоланмоқда.
