Madridning “Real” klubi hujumchisi Vinisius Junior yozgi transfer oynasida “Chelsi”ga o‘tishi mumkin, deb xabar beradi El Nacional.

Manba bergan xabarga ko‘ra, London jamoasi rahbariyati futbolchi bilan shartnoma imzolash imkoniyatini ko‘rib chiqmoqda va u uchun 150 million yevro to‘lashga tayyor.

Agar transfer amalga oshsa, bu "Real Madrid" tarixidagi eng yirik savdo bo‘ladi. Avvalroq, madridliklar futbolchilarni sotishdan olgan eng katta daromadi 2018 yilda Krishtianu Ronalduning 100 million yevro evaziga “Yuventus”ga o‘tgani bo‘lgandi.

Shuningdek, nashrning fikricha, u La Ligada duch keladigan irqchilik braziliyalikning Premyer-ligaga o‘tishida muhim plyus bo‘lishi mumkin. Angliya chempionatida bu muammo bilan bog‘liq vaziyat yaxshi.

22 yoshli braziliyalik futbolchi 2018 yildan buyon "Real"da o‘ynab kelmoqda.

Joriy mavsumda u Madrid klubi safida 54 ta o‘yin o‘tkazib, 23 ta gol urdi va 21 ta golli uzatmani amalga oshirdi. Transfermarkt portaliga ko‘ra futbolchining narxi 120 million yevroga baholanmoqda.