Италия чемпионатининг 37-туридан ўрин олган марказий ўйин Туринда бўлиб ўтди. «Ювентус» ўз майдонида «Милан»ни қабул қилиб, имкониятни бой бериб қўйди.

Биринчи бўлим тенгкурашлар остида кечди, вазиятлардан фойдаланишда эса омад "россонери" томонида бўлди. Учрашувнинг 40-дақиқасида ўнг қанотдан етказилган тўпни Оливье Жиру бош билан рақиб дарвозасига жойлаб қўйди.

Иккинчи бўлимда "Милан" яхши ҳимояланди, боз устига, қарши ҳужумларда 2та яхши вазиятдан фойдалана олмади. Иккинчи таймга қўшиб берилган дақиқаларда "Ювентус" ҳисобни тенглаштиришга яқин келди. Бурчак зарбасидан сўнг берилган зарбани меҳмонлар ҳимоячиси чизиқ устида қайтариб қолди.

"Милан" ушбу ғалаба туфайли Европа чемпионлар лигаси йўлланмасини қўлга киритди. Жорий мавсумда 10 очкодан маҳрум этилган "Юве" эса мағлубият туфайли Евроа лигаси йўлланмасидан ҳам қуруқ олиб, Конференциялар лигасида иштирок этиш хавф остида қолди.

А Серия. 37-тур. 28 май
Ювентус — Милан 0:1
Гол: Жиру (40).
Ювентус – Шченсни, Данило, Бремер (Бонуччи, 82), Гатти, Куадрадо, Костич (Паредес, 63), Ди Мария (Милик, 63), Рабьо, Локателли, Кьеза, Кен (Айлинг, 73).
Милан – Меньян, Калабрия (Калулу, 86), Томори, Тиав, Эрнандес, Крунич, Диас (Побега, 82), Тонали, Леау (Балло-Туре, 82), Мессиас (Салемакерс, 56), Жиру (Ориги, 86).
Огоҳлантиришлар: Мессиас (34), Куадрадо (56), Крунич (64).