2007 йили ташкил топган Ўзбекистон терма жамоалари мухлислар клуби терма жамоаларимиз ҳам уй, ҳам сафар ўйинларида қўлдан келганча қўллаб-қувватлаб келмоқда. Мухлисларимиз миллий терма жамоамизнинг Дубай ва Доҳа шаҳарларида бўлиб ўтадиган ўртоқлик ва ЖЧ саралаш баҳсларда қўллаб-қувватлашни мақсад қилишган.

Шу мақсадда 70дан ортиқ юртдошларимиз Дубайга етиб келишди ва 4 юлдузли "Лотос Гранд" меҳмонхоасига жайлашишди. 12 октябрь куни Ўзбекистон миллий терма жамоасини Дубай шаҳрида бўлиб ўтадиган ўртоклик учрашувини "Аш-Шабоб" стадионида томоша қилишади ва 14 октябрь куни ашаддий мухлисларимиз "Fly Emirates" ҳаво йўлларида Қатарга учишади.

16 октябрь куни терма жамоамиз учун катта аҳамиятга эга бўлган жаҳон чемпионати саралаш учрашувида мухлилсар ҳақиқий 12-ўйинчи бўлиш учун ҳаракат қилиб, жамоамиз билан бир тану бир жон бўлишади.

Ушбу сафар Ўзбекистон терма жамоалари мухлислари клуби ва туристик компаниялар ичида катта обрўга эга бўлган "BCD Travel" компанияси билан биргаликда амалга оширилмоқда.