"Манчестер Юнайтед" бош мураббийи Эрик тен Хаг жамоани янги футболчилар билан кучайтириш кераклигини айтди.
"Раҳбарият шуни тушуниши керакки, агар улар Премьер-лигада кучли тўртлик ва совринлар учун курашмоқчи бўлса, унда таркибни кучайтиришга сармоя киритиш керак.
Акс ҳолда кучайиб бораётган клубларга қарши имкониятимиз қолмайди. Биз буни қишда кўрдик, ўшанда кўпчилик кучайганди, биз эса йўқ.
Шу билан бирга, "Манчестер Юнайтед" тўғри йўналишда кетаётганини қайд этмоқчиман. Бу мавсумда биз муваффақиятга эриша олдик", - дея мураббийнинг сўзларини келтиради Daily Mail.
Премьер-лига мавсуми якунига кўра, "қизил иблислар" учинчи ўринни эгаллади.
