"Реал Мадрид" уч футболчининг келажаги билан боғлиқ вазиятни имкон қадар тезроқ ҳал қилишга ҳаракат қилмоқда.
Гап шартномалари ёзда тугайдиган Марко Асенсио, Дани Себальос ва Начо Фернандес ҳақида кетмоқда.
Marca хабарига кўра, "қироллик клуби" шу ҳафтада футболчилардан жавоб олишга ҳаракат қилади. Рўйхатга олинган ўйинчиларнинг ҳар бири янги шартнома имзолаш мумкинлигига шубҳа қилмоқда, чунки "Реал Мадрид" уларга кейинги йилларда кўпроқ ўйин вақтини кафолатламайди.
Қайд этилишича, "Реал" Асенсио, Себальос ва Фернандесни ўзида сақлаб қолишни истайди, бироқ вазият ҳалигача чалкаш кўринади.
