"Real Madrid" uch futbolchining kelajagi bilan bog‘liq vaziyatni imkon qadar tezroq hal qilishga harakat qilmoqda.
Gap shartnomalari yozda tugaydigan Marko Asensio, Dani Sebalyos va Nacho Fernandes haqida ketmoqda.
Marca xabariga ko‘ra, "qirollik klubi" shu haftada futbolchilardan javob olishga harakat qiladi. Ro‘yxatga olingan o‘yinchilarning har biri yangi shartnoma imzolash mumkinligiga shubha qilmoqda, chunki "Real Madrid" ularga keyingi yillarda ko‘proq o‘yin vaqtini kafolatlamaydi.
Qayd etilishicha, "Real" Asensio, Sebalyos va Fernandesni o‘zida saqlab qolishni istaydi, biroq vaziyat haligacha chalkash ko‘rinadi.
