Нигериялик ҳужумчи Виктор Осимхен ҳозирги жамоаси "Наполи"да қолиши мумкин. Calciomercato журналистларининг хабар беришича, неаполликлар клуби раҳбарияти африкалик билан меҳнат шартномасини яхшиланган шартлар асосида узайтирмоқчи.
Осимхен хизматларига "ПСЖ", "Манчестер Юнайтед" ва "Челси" клублари қизиқиш билдирмоқда. Шу билан бирга, “Наполи” президенти Аурелио де Лаурентис Викторни 160 миллион евродан камига сотмайди.
Ҳужумчининг амалдаги шартномаси 2025 йилнинг ёзига қадар мўлжалланган. Унинг маоши 4,5 миллион еврони ташкил қилади.
Осимхен жорий мавсум А Серияда 31 та ўйинда майдонга тушиб, 25 та гол ва 4 та голли узатмани амалга оширди.
