Nigeriyalik hujumchi Viktor Osimxen hozirgi jamoasi "Napoli"da qolishi mumkin. Calciomercato jurnalistlarining xabar berishicha, neapolliklar klubi rahbariyati afrikalik bilan mehnat shartnomasini yaxshilangan shartlar asosida uzaytirmoqchi.
Osimxen xizmatlariga "PSJ", "Manchester Yunayted" va "Chelsi" klublari qiziqish bildirmoqda. Shu bilan birga, “Napoli” prezidenti Aurelio de Laurentis Viktorni 160 million yevrodan kamiga sotmaydi.
Hujumchining amaldagi shartnomasi 2025 yilning yoziga qadar mo‘ljallangan. Uning maoshi 4,5 million yevroni tashkil qiladi.
Osimxen joriy mavsum A Seriyada 31 ta o‘yinda maydonga tushib, 25 ta gol va 4 ta golli uzatmani amalga oshirdi.