"Брентфорд" "Фрайбург" билан дарвозабон Марк Флеккеннинг трансфери бўйича келишувга эришди.
Журналист Фабрицио Романонинг ёзишича, томонлар немисни туманли Албионга кўчириш бўйича келишув шартларини тўлиқ келишиб олган.
Манбанинг хабар беришича, бу трансфер инглиз жамоасига 13 миллион еврога тушади. Флеккен кейинги мавсумда "Брентфорд"да асосий ўйинчи бўлиши кутилмоқда, Девид Райя бу ёзда бошқа жамоага ўтиши мумкин.
Романонинг қўшимча қилишича, Флеккен аввалроқ тиббий кўрикдан ўтган. Тез орада трансфер ҳақида расман эълон қилиниши кутилмоқда.
