"Brentford" "Frayburg" bilan darvozabon Mark Flekkenning transferi bo‘yicha kelishuvga erishdi.
Jurnalist Fabrisio Romanoning yozishicha, tomonlar nemisni tumanli Albionga ko‘chirish bo‘yicha kelishuv shartlarini to‘liq kelishib olgan.
Manbaning xabar berishicha, bu transfer ingliz jamoasiga 13 million yevroga tushadi. Flekken keyingi mavsumda "Brentford"da asosiy o‘yinchi bo‘lishi kutilmoqda, Devid Rayya bu yozda boshqa jamoaga o‘tishi mumkin.
Romanoning qo‘shimcha qilishicha, Flekken avvalroq tibbiy ko‘rikdan o‘tgan. Tez orada transfer haqida rasman e’lon qilinishi kutilmoqda.
