"Астон Вилла" бош мураббийи Унаи Эмери "Реал" ярим ҳимоячилари Марко Асенсио ва Дани Себальоснинг ушбу ёзда эркин агент сифатида бозорда мавжуд бўлишидан фойдаланмоқчи. Журналист Майкл Ринконнинг ёзишича, испаниялик мутахассис ўз жамоасига ҳамюртларини жалб қилмоқчи.
Асенсио ва Себальос мунтазам равишда асосий таркибда ўйнайдиган жамоага ўтмоқчи. Футболчилар келаси мавсумда Конференциялар лигасида ўйнайдиган "Астон Вилла"га ўтишга рози бўладими ёки йўқми ҳозирча маълум эмас.
Эслатиб ўтамиз, Себальос Эмери қўл остида аллақачон Лондоннинг "Арсенал" жамоасида ўйнаган.
