"Aston Villa" bosh murabbiyi Unai Emeri "Real" yarim himoyachilari Marko Asensio va Dani Sebalyosning ushbu yozda erkin agent sifatida bozorda mavjud bo‘lishidan foydalanmoqchi. Jurnalist Maykl Rinkonning yozishicha, ispaniyalik mutaxassis o‘z jamoasiga hamyurtlarini jalb qilmoqchi.
Asensio va Sebalyos muntazam ravishda asosiy tarkibda o‘ynaydigan jamoaga o‘tmoqchi. Futbolchilar kelasi mavsumda Konferensiyalar ligasida o‘ynaydigan "Aston Villa"ga o‘tishga rozi bo‘ladimi yoki yo‘qmi hozircha ma’lum emas.
Eslatib o‘tamiz, Sebalyos Emeri qo‘l ostida allaqachon Londonning "Arsenal" jamoasida o‘ynagan.