Лондоннинг “Челси” клуби расман Маурисио Почеттинони бош мураббий этиб тайинлади.

Аргентиналик мутахассис клуб билан 2025 йилнинг ёзига қадар амалда бўлган шартномани яна бир мавсумга узайтириш имкониятига эга бўлди.

Почеттино бир йил ишсиз эди. 2022 йил сентябрь ойи бошида аргентиналик мураббий “Челси” бош мураббийи лавозимига фаворитлардан бири бўлганди, аммо Лондон клуби охир-оқибат Грэм Поттер номзоди билан келишиб олган.

"Челси" мавсумни Англия Премьер-лигасида ўн иккинчи ўринда якунлади. Бошқа мусобақаларда ҳам лондонликлар муваффақиятсизликка учради ва одатдагидан пастроқ ўйин кўрсатди.