Ярим ҳимоячи Эден Азар "Реал"да Гарет Бэйл ўз вақтида қилган ишни қилишни афзал кўради. Бу иш майдонга тушмаса ҳам шартномани охиригача етказиб қўйиш.
Азар бош мураббий Карло Анчелоттининг режаларига киритилмаган, деб хабар беради Diario AS. Манбага кўра, жорий мавсумда унинг маоши 28 миллион еврони ташкил этади ва у майдонда атиги 392 дақиқа ўтказди.
Хабарларга кўра, Азар клубни тарк этмоқчи эмас. Бельгиялик футболчи худди ўзининг сўнгги мавсумидаги Гарет Бэйл каби шартномасини деярли бир дақиқа ўйнамай якунлашни кутмоқда.
Азарнинг "Реал" билан шартномаси 2024 йилнинг июлигача амал қилади. 2022/23 йилги мавсумда у 10 та ўйин ўтказиб, 2 та гол урди ва 2 та голли узатмани амалга оширди.
