Yarim himoyachi Eden Azar "Real"da Garet Beyl o‘z vaqtida qilgan ishni qilishni afzal ko‘radi. Bu ish maydonga tushmasa ham shartnomani oxirigacha yetkazib qo‘yish.
Azar bosh murabbiy Karlo Anchelottining rejalariga kiritilmagan, deb xabar beradi Diario AS. Manbaga ko‘ra, joriy mavsumda uning maoshi 28 million yevroni tashkil etadi va u maydonda atigi 392 daqiqa o‘tkazdi.
Xabarlarga ko‘ra, Azar klubni tark etmoqchi emas. Belgiyalik futbolchi xuddi o‘zining so‘nggi mavsumidagi Garet Beyl kabi shartnomasini deyarli bir daqiqa o‘ynamay yakunlashni kutmoqda.
Azarning "Real" bilan shartnomasi 2024 yilning iyuligacha amal qiladi. 2022/23 yilgi mavsumda u 10 ta o‘yin o‘tkazib, 2 ta gol urdi va 2 ta golli uzatmani amalga oshirdi.
