Бразилия терма жамоаси бош мураббийи Ману Менезес Испания терма жамоаси ўйинларидан ҳайратга тушаётганини билдирди, дея хабар беради испан матбуоти.
Аммо Менезес "пентакаампеонлар"нинг ҳам ўз ўйин фалсафаси борлигини таъкидлаб ўтди.
"Албатта, Европа ва Жаҳон чемпионлари жуда кучлилар, аммо Испания терма жамоасидан андоза олмаган бўлардим, чунки, ўйин усули ижрочиларга боғлиқ. Сен бир куни тонгда уйғониб, Испания термасига ўхшаб ўйнамоқчиман, дея олмайсан. Бунақа бўлиши шунчаки қийин. Мен жамоамни кўпроқ жипслашига ва ранг-баранг ўйин кўрсатишига эришмоқчиман. У турли хил тактик схемаларда ўйнай олиши керак. Ўйлайманки, биз ўз мақсадларимизга етамиз", - дейди Менезес.
