Туриннинг "Ювентус" клуби "Челси" ярим ҳимоячиси Кристиан Пулишич учун курашда пешқадамлик қилмоқда.
ESPN нашри хабарига кўра, "кекса синьора" америкалик вингерни сотиб олиш эҳтимоли юқори.
"Челси" ёзги трансфер ойнасида Пулишичдан қутулишга қарор қилди. Кристианни сотиш клубга керакли ўйинчиларнинг келишини молиялаштиришга ёрдам беради. Бу мавсумда америкалик футболчи АПЛда "Челси"нинг асосий таркибида жуда камдан-кам майдонга тушди. "Ювентус" эса аксинча футболчини қадрлайди ва ундаги салоҳиятини юқори кўради.
Пулишич АПЛнинг сўнгги мавсумида гол урди ва голли узатмани амалга оширди.
