Лучано Спалетти бир йиллик таътилга чиқишга қарор қилганидан кейин "Наполи" янги бош мураббий қидирмоқда.
Сўнгги пайтларда неаполликларни Луис Энрике билан боғлашаётгани ҳақида миш-мишлар тарқалди. Бироқ, "Наполи" президенти Аурелио де Лаурентис испаниялик мутахассиснинг жамоа бошқарувига ўтирмаслигини аниқ айтди.
"Менимча, Энрике Премьер-лигага интилмоқда. У ердаги кўплаб клублар бизникидан кўра жозибадорроқ. Уларда кўпроқ ресурслар бор, бу эса иқтисодий муаммоларни келтириб чиқаради", - деди де Лаурентис Tutto Napoli билан суҳбатда.
"Мен унга шуни айтишим мумкинки, бу ерда у яхшироқ овқатланиш имкониятига эга бўлади, лекин бу шунчаки гап", - дея қўшимча қилди “Наполи” президенти кулиб.
Эслатиб ўтамиз, "Наполи" 1990 йилдан бери биринчи марта Италия чемпиони бўлди.
