Норвегияда 10 нафар гроссмейстер иштирокидаги нуфузли «Norway Chess» турнирида классик баҳсларга старт берилди.

Нодирбек Абдусатторов биринчи ўрини нидерландиялик Аниш Гирига қарши оқ доналарда ўйнади. Баҳс давомида вазият деярли тенг бўлди. Баъзида компьютер кичик устунликни Гири томонга бериб турди. Ўйин сўнгида шахматчиларда биттадан руҳ қолган бўлса, Анишда 3 ва Нодирбекда 2 пиёда қолди. Бу эса дуранг деганидир.

Регламентга кўра, асосий партияда дуранг қайд этилса, шахматчилар тезкор услубда армагеддон партиясини ўйнашади. Бунда оқлардан ғалаба қозониш талаб этилади. Дуранг ва ғалаба қораларга қўшимча 0,5 балл тақдим этади.

Турнирда ғалаба учун 3 балл, дуранг учун 1 балл берилмоқда.

Кеча Каруана мезбон шахматчи Магнус Карлсенни, ҳиндистонлик Гукеш эса франциялик Алиризо Фиружани мағлуб этди. Қолган 2та ўйинда дуранг қайд этилди.

Абдусатторов бугун 2-тур доирасида Арян Тари (Норвегия)га қарши қора доналарда ўйнайди.