Norvegiyada 10 nafar grossmeyster ishtirokidagi nufuzli «Norway Chess» turnirida klassik bahslarga start berildi.
Nodirbek Abdusattorov birinchi o‘rini niderlandiyalik Anish Giriga qarshi oq donalarda o‘ynadi. Bahs davomida vaziyat deyarli teng bo‘ldi. Ba’zida kompyuter kichik ustunlikni Giri tomonga berib turdi. O‘yin so‘ngida shaxmatchilarda bittadan ruh qolgan bo‘lsa, Anishda 3 va Nodirbekda 2 piyoda qoldi. Bu esa durang deganidir.
Reglamentga ko‘ra, asosiy partiyada durang qayd etilsa, shaxmatchilar tezkor uslubda armageddon partiyasini o‘ynashadi. Bunda oqlardan g‘alaba qozonish talab etiladi. Durang va g‘alaba qoralarga qo‘shimcha 0,5 ball taqdim etadi.
Turnirda g‘alaba uchun 3 ball, durang uchun 1 ball berilmoqda.
Kecha Karuana mezbon shaxmatchi Magnus Karlsenni, hindistonlik Gukesh esa fransiyalik Alirizo Firujani mag‘lub etdi. Qolgan 2ta o‘yinda durang qayd etildi.
Abdusattorov bugun 2-tur doirasida Aryan Tari (Norvegiya)ga qarshi qora donalarda o‘ynaydi.
