"Ювентус" клуби бош мураббийи Массимилиано Аллегрини ёқтирмайдиган футболчиларнинг номи маълум бўлди.
La Gazzetta dello Sport нашри хабарига кўра, гап Душан Влахович, Федерико Кьеза, Хуан Кудрадо, Войцех Шесни, Анхел ди Мария ва Леандро Паредес ҳақида кетмоқда.
Манбага кўра, санаб ўтилган барча футболчилар Аллегрининг ўйинларга тайёргарлик кўриш усулларидан норози. Шу билан бирга Куадрадо, ди Мария ва Паредес ёзда "Ювентус"ни албатта тарк этишади. Чемпионлар лигасида ўйнашни ҳоҳлаётган Душан Влахович ҳам кетиши мумкин.
Аввалроқ, "Ювентус" Аллегри билан шартномани бекор қилиш масаласини муҳокама қила бошлагани ҳақида хабарлар тарқалган эди.
