"Астон Вилла" ҳимоячиси Эшли Янг жамоани текинга тарк этади. Бу ҳақида Бирмингем жамоаси ўзининг расмий сайтида маълум қилди. Эслатиб ўтамиз, инглиз футболчиси "Интер"дан жамоага кўчиб ўтгандан сўнг сўнгги икки мавсумни "Вилла Парк"да ўтказди.
“Биз Эшли Янгга жамоамизга қилган барча йиллари учун чин дилдан миннатдорчилик билдирмоқчимиз. Унга келажакдаги фаолиятида омад тилаймиз”, - дейилади клуб хабарида.
Эслатиб ўтамиз, Янг 2006 йилдан 2011 йилгача, "Манчестер Юнайтед"га ўтгунга қадар "Астон Вилла"да ўйнаган. Июль ойида футболчи 38 ёшга тўлади, аммо Эшли ҳали фаолиятини якунлаш ҳақида ўйламаяпти.
