Ҳаммаси Карим Бенземанинг "Реал" билан янги шартнома имзоламаслиги, Саудия Арабистонига кетишига боғлиқ. У ерда "Ал-Иттиҳод" ўз сафида тажрибали ҳужумчини кўрмоқчи. Саудия клуби Бенземага катта таклиф билан чиқди.
Defensa Central нашри хабарига кўра, "Реал Мадрид" президенти Флорентино Перес сешанба куни "Реал" бош мураббийи Карло Анчелоттига қўнғироқ қилган. Манбага кўра, Перес Анчелоттига Бензема 90 фоиз "Реал"дан кетишини айтган.
Карим Бензема 2009 йилнинг ёзидан бери "Реал"да ўйнаб келмоқда. Ўшандан бери франциялик футболчи 647 та ўйин ўтказиб, 353 та гол ва 165 та голли узатмани амалга оширган.
