"Бавария" ҳимоячиси Бенжамен Павар - "Манчестер Юнайтед"нинг энг катта трансфер мақсадларидан бири. Журналист Лоик Тансининг сўзларига кўра, франциялик футболчи “қизил иблислар”нинг марказий ҳимоя чизиғини мустаҳкамлашдаги устувор мақсади ҳисобланади.
Маълумот ўрнида, Павар "Бавария"га келаётган мавсумда жамоани тарк этиш истаги ҳақида аниқ маълум қилган. Бенжамен янги клубида ҳимоянинг ўнг қанотида эмас, балки марказий ҳимоячи позициясида ўйнашни истамоқда. Аввалроқ Бенжаминга "Барселона" ҳам қизиқиш билдирганди.
Павар ўтган мавсумда Бундеслигада 30 та ўйинда майдонга тушди. У ўз ҳисобига 4 та гол ва голли узатма ёздириб қўйди.