Ярим ҳимоячи Дани Себальос "Реал" билан шартномасини узайтириши мумкин.
Marca нашри хабарига кўра, 26 ёшли футболчи Мадрид клуби билан янги 3 йиллик шартнома имзолашга яқин турибди. Себальос "Реал"ни тарк этишга яқин эди, аммо клуб раҳбариятининг унинг атрофидагиларга қўнғироқ қилиши билан вазият ўзгарди. Ўтган душанба куни клуб раҳбарлари футболчининг атрофидагилар билан боғланиб, таклифни яхшилаган, шунингдек, унга ишонишларини билдиришган. Якуний қарор шу ҳафтада қабул қилинади.
Испаниялик футболчининг "Реал" билан амалдаги шартномаси шу йилнинг июнь ойида якунига етади. Себальос Мадрид клубида 2017 йилнинг ёзидан буён ўйнаб келмоқда.
Ярим ҳимоячи жорий мавсумда "Реал Мадрид" сафида барча турнирлар доирасида 45 та ўйинда майдонга тушиб, 1 та гол урди ва 9 та голли узатмани амалга оширди.
