"Барселона" бошқарув кенгашининг собиқ аъзоси Хавьер Бордас агент Мино Райола билан учрашув ва унинг ҳозирда "Манчестер Сити"да ўйнаётган ҳужумчи Эрлинг Холанд ҳақидаги сўровлари ҳақида гапирди.
Бордаснинг айтишича, Райола билан учрашувда Холандинг каталонияликлар сафига ўтиши бўйича келишувга эришилган. Бироқ, агент катта комиссия олиш истагини билдирди.
"Бир пайтлар мен Мино Райола билан учрашганман ва биз Холанд ҳақида гаплашганимизда, у уни бизга 20 миллион еврога сотишга тайёр эди. Лекин у ҳам комиссия сифатида 20 миллион талаб қилди”, - деди Бордас Marca нашрига.
Ҳозирда Холанд дунёнинг энг кучли футболчиларидан бири саналади. Норвегиялик футболчи "Манчестер Сити"даги илк мавсумидаёқ Премьер-лиганинг энг яхши тўпурарига айланди.
