Россия терма жамоаси бош мураббийи Фабио Капелло ЖЧ-2014 саралаши доирасида Португалия терма жамоаси устидан қозонилган ғалабадан (1:0) фикрлари билан ўртоқлашди.
"Португалияликлар таъқиб этувчи ролини бажаришди ва қаттиқ прессинг қилишди. Босимни енга олганимиз ғалабага қўшимча баҳо беради.
Биз Роналдуни яқинроқ ушлашга ҳаракат қилдик, уни ҳар гал тўхтатиш учун қанот ҳимоячиси ва ҳужумкор ўйинчи керак бўлди. Унинг тўпни қабул олишига ва марказга қараб юришига имкон бермаслигимиз керак эди.
Бу ғалабани унутиб, кейинги ўйинга тайёргарлик кўрамиз. Бугун меҳмонхонадаги кечки овқатдан бошлаб, Озарбойжонга қарши ўйин бошлангунча, рақибни менсимасликка йўл қўймайман. Чунки бу жуда жиддий кўнгилсизликларга олиб келиши мумкин", - дейди Капелло.
