“Лестер”нинг етакчи футболчиларидан бири Юри Тилеманс ижтимоий тармоқлар орқали инглиз клубини тарк этишини маълум қилди. Бельгиялик футболчи жамоани эркин агент сифатида тарк этади, чунки унинг шартномаси июнь ойи охирида тугайди.
"Ҳурматли "Лестер" мухлислари, тўрт йилни сизлар билан бирга ўтказганимдан сўнг, мен ушбу ақл бовар қилмайдиган клуб билан хайрлашаман", деди ярим ҳимоячи ўз постида.
Тилеманс “Лестер” сафида 2019 йилнинг июлидан бери тўп суради. Унинг шартномаси муддати 30 июнда тугайди.
Аввалроқ ОАВда 26 ёшли бельгиялик футболчига Лондоннинг "Арсенал" ва "Барселона" клублари қизиқиш билдираётгани ҳақида хабарлар тарқалганди.
