“Lester”ning yetakchi futbolchilaridan biri Yuri Tilemans ijtimoiy tarmoqlar orqali ingliz klubini tark etishini ma’lum qildi. Belgiyalik futbolchi jamoani erkin agent sifatida tark etadi, chunki uning shartnomasi iyun oyi oxirida tugaydi.
"Hurmatli "Lester" muxlislari, to‘rt yilni sizlar bilan birga o‘tkazganimdan so‘ng, men ushbu aql bovar qilmaydigan klub bilan xayrlashaman", dedi yarim himoyachi o‘z postida.
Tilemans “Lester” safida 2019 yilning iyulidan beri to‘p suradi. Uning shartnomasi muddati 30 iyunda tugaydi.
Avvalroq OAVda 26 yoshli belgiyalik futbolchiga Londonning "Arsenal" va "Barselona" klublari qiziqish bildirayotgani haqida xabarlar tarqalgandi.













