2 июнь куни Ўзбекистон Кубоги “F” гуруҳида 3-тур ўйинлари ўтказилдаи ва шу билан гуруҳ босқичига якун ясалади. Бу сафар “Андижон” жамоамиз Фарғонадаги “Истиқлол” стадионида “Олимпия”ни қабул қилади.
Яқинда ташкил этилган ушбу жамоа биринчи лига мусобақасида иштирок этяпти. Ҳозирча 6 та ўйинда 3 тадан ғалаба ва мағлубият қайд этган ҳолда турнир жадвалида 9 очко билан 9-поғонада боряпти.
“Андижон” – “Олимпия” клублари илк бор тўқнаш келишмоқда. Мухлислар учун маълумот сифатида шуни айтиш жоизки, “Олимпия” жамоасига андижонлик собиқ футболчи Шавкат Муллажонов бош мураббийлик қилмоқда. Жамоа ҳужумчиси Абдураҳмон Абдуллаев 5 та голи билан тўпурарлар орасида иккинчи ўринда турибди.
“Олимпия” жамоаси ўзбек футболининг ёрқин юлдузларидан бири бўлган Одил Аҳмедовнинг “Odil Ahmedov FA” академияси негизида ташкил қилинган.
Учрашув ҳакамлари
Бош ҳакам: Ғайрат Жўраев
Ёрдамчи ҳакамлар: Расулжон Фозилов, Максим Нехочин
Захира ҳаками: Иброҳим Исмоилов
Назоратчи: Олег Дачев
Комиссар: Ойбек Юнусов
Эслатиб ўтамиз, “Андижон” – “Олимпия” учрашуви бугун соат 20:00 да бошланади.
“Андижон” матбуот хизмати.
