2 iyun kuni O‘zbekiston Kubogi “F” guruhida 3-tur o‘yinlari o‘tkazildai va shu bilan guruh bosqichiga yakun yasaladi. Bu safar “Andijon” jamoamiz Farg‘onadagi “Istiqlol” stadionida “Olimpiya”ni qabul qiladi.
Yaqinda tashkil etilgan ushbu jamoa birinchi liga musobaqasida ishtirok etyapti. Hozircha 6 ta o‘yinda 3 tadan g‘alaba va mag‘lubiyat qayd etgan holda turnir jadvalida 9 ochko bilan 9-pog‘onada boryapti.
“Andijon” – “Olimpiya” klublari ilk bor to‘qnash kelishmoqda. Muxlislar uchun ma’lumot sifatida shuni aytish joizki, “Olimpiya” jamoasiga andijonlik sobiq futbolchi Shavkat Mullajonov bosh murabbiylik qilmoqda. Jamoa hujumchisi Abdurahmon Abdullayev 5 ta goli bilan to‘purarlar orasida ikkinchi o‘rinda turibdi.
“Olimpiya” jamoasi o‘zbek futbolining yorqin yulduzlaridan biri bo‘lgan Odil Ahmedovning “Odil Ahmedov FA” akademiyasi negizida tashkil qilingan.
Uchrashuv hakamlari
Bosh hakam: G‘ayrat Jo‘rayev
Yordamchi hakamlar: Rasuljon Fozilov, Maksim Nexochin
Zaxira hakami: Ibrohim Ismoilov
Nazoratchi: Oleg Dachev
Komissar: Oybek Yunusov
Eslatib o‘tamiz, “Andijon” – “Olimpiya” uchrashuvi bugun soat 20:00 da boshlanadi.
“Andijon” matbuot xizmati.
