"Наполи" ҳужумчиси Виктор Осимхен Италия чемпионатининг барча ҳужумчилари орасида ўз позициясида энг яхши футболчига айланди. Бу ҳақда А Серия расмий сайтида маълум қилинди.
24 ёшли нигериялик футболчи жорий мавсум А Серияда 31 та ўйинда майдонга тушиб, 25 та гол урди ва 5 та голли узатмани амалга оширди.
Эслатиб ўтамиз, аввалроқ “Наполи” муддатидан аввал мамлакат чемпиони бўлганди. Мавсумнинг сўнгги турида Луциано Спалетти шогирдлари "Сампдория" билан тўқнаш келишади.
Ўйин 4 июнь куни бўлиб ўтади.
Аввалроқ Спаллетти "Сампдория" билан ўйиндан сўнг неаполликлар лагерини тарк этиши маълум бўлганди.
