Россия терма жамоасининг собиқ бош мураббийи Фабио Капелло “Наполи” ҳужумчиси Хвича Кварацхелия А Серияда мавсумнинг энг яхши футболчиси сифатида танланганига изоҳ берди.
"Мен танловга қўшиламан! Хвича А Сериянинг энг яхши футболчиси сифатида тан олинди”, деди Капелло.
Эслатиб ўтамиз, 22 ёшли грузиялик футболчи ўтган ёзда "Наполи"га кўчиб ўтганди. Жорий мавсумда у Италия чемпионатининг 33 учрашувида 12 та гол урди ва 13 та голли узатмани амалга оширди.
Кварацхелиянинг "Наполи" билан амалдаги меҳнат шартномаси 2027 йилгача мўлжалланган. Transfermarkt маълумотларига кўра, ҳужумчининг нархи 85 миллион еврони ташкил этади.