Карим Бензема яна бир мавсум "Реал Мадрид"да қолиши мумкин, аммо "Реал Мадрид" ёзда янги марказий ҳужумчи сотиб олишни кўзламоқда. Marca хабарига кўра, клуб президенти Флорентино Перес билан учрашувда "қаймоқранглилар" бош мураббийи Карло Анчелотти Бенземанинг ҳолатидан қатъи назар, ҳужумчи трансферини сўраган.
Манбага кўра, "Тоттенхэм" футболчиси Харри Кейн Анчелотти учун устувор номзод ҳисобланади.
Кейннинг "Тоттенхэм" билан амалдаги шартномаси 2023/2024 йилги мавсум охиригача амал қилади. Жамоанинг еврокубокларга чиқа олмаганини инобатга олсак, “шпорлар” бошқаруви раиси Дэниел Левига юлдузни ўз сафида олиб қолиш осон бўлмайди.
