"Вулверхэмптон" ўзининг расмий сайтида ҳужумчи Диего Коста ва ярим ҳимоячи Жоау Моутиньонинг клубни текинга тарк этишини эълон қилди.
Англия клуби спорт директори Мэтт Хоббс бу футболчилар билан шартнома узайтирилмаслигини тасдиқлади. Шунингдек, у ҳужумчи Адама Траоре билан янги шартнома имзоланишига умид билдирди.
36 ёшли Моутиньо 2018 йилдан буён "бўрилар" сафида ўйнаб келмоқда. Унинг ҳисобида 212 ўйин, 5 гол ва 25 голли узатма.
34 ёшли Коста жамоага 2022 йилнинг сентябрида келиб қўшилган эди. Мавсум давомида у 25 учрашувда 1 та гол урган.
