Мадриднинг “Реал” клуби 35 ёшли Карим Бензема ўрнига янги марказий ҳужумчи сотиб олмоқчи.
Todofichajes журналистларининг ёзишича, "қаймоқранглилар" Бензема ўрнига унинг ҳамюрти Рандаль Коло-Муанини жамоага таклиф қилишни режалаштирмоқда.
Франкфуртнинг “Айнтрахт” клуби Рандаль ҳозир ўйнаётган жамоа ҳисобланади. Томонлар ўртасидаги шартнома 2027 йилгача мўлжалланган. Франциялик футболчининг нархи 65 миллион еврони ташкил қилади.
Ҳужумчи ўтган мавсумда Бундеслигада 32 та ўйинда майдонга тушиб, 15 та гол урди ва 11 та голли узатмани амалга оширди.
