Madridning “Real” klubi 35 yoshli Karim Benzema o‘rniga yangi markaziy hujumchi sotib olmoqchi.
Todofichajes jurnalistlarining yozishicha, "qaymoqranglilar" Benzema o‘rniga uning hamyurti Randal Kolo-Muanini jamoaga taklif qilishni rejalashtirmoqda.
Frankfurtning “Ayntraxt” klubi Randal hozir o‘ynayotgan jamoa hisoblanadi. Tomonlar o‘rtasidagi shartnoma 2027 yilgacha mo‘ljallangan. Fransiyalik futbolchining narxi 65 million yevroni tashkil qiladi.
Hujumchi o‘tgan mavsumda Bundesligada 32 ta o‘yinda maydonga tushib, 15 ta gol urdi va 11 ta golli uzatmani amalga oshirdi.